Presidentja e vendit Vjosa Osmani, ditën e shtunë ka zhvilluar takim me ambasadorin e BE-së në Kosovë, Tomas Szunyog, përcjell InLajmi.
Takimi u realizuar me qëllim të koordinimit më të mire në prag të Samitit të BE-së që do të mbahet në Tiranë me 6 dhjetor, në këtë takim u vlerësua fakti se për herë të parë ky Samit do të mbahet në Ballkanin Perëndimor, thuhet në komunikatën e Presidencës së Kosovës.
Palët diskutuan sa ipërket angazhimit drejt bashkëpunimit dhe partneritetit me vendet e rajoni dhe gjithashtu ambasadori Szunyog i ka dorëzuar kopjen fizike të ftesës nga Presidenti i Këshillit Evropian, Charles Michel për presidenten Osmani e cila do ta përfaqësojë Kosovën në samitin e BE-së
Njoftimi i plotë i Presidencës:
Presidentja Vjosa Osmani priti në takim ambasadorin e BE-së në Kosovë, Tomáš Szunyog. Ky takim u realizua me qëllim të koordinimit më të mirë në prag të Samitit BE – Ballkani Perëndimor që do të mbahet në Tiranë më 6 dhjetor.
Në takim u vlerësua fakti që për herë të parë, ky Samit do të mbahet pikërisht në Ballkanin Perëndimor, duke konfirmuar gatishmërinë e vendeve të BE-së për një angazhim më të madh drejt bashkëpunimit dhe partneritetit me vendet e rajonit.
Palët diskutuan po ashtu për deklaratën, e cila pritet të miratohet nga pjesëmarrësit në Samit.
Me këtë rast, Ambasadori Szunyog dorëzoi kopjen fizike të ftesës nga Presidenti i Këshillit Evropian, Charles Michel për Presidenten Osmani, e cila do ta përfaqësoj Kosovën në Samitin BE – Ballkani Perëndimor./InLajmi/
