Qeveria e Kosovës përmes një videoje të publikuar ka treguar arritjet kryesore të saj gjatë muajit të nëntorit të vitit 2022, përcjell InLajmi.
Zëdhënësi i Qeverisë së Kosovës, Përparim Kryeziu, ka qenë ai që i ka bërë këto sqarime për publikun në emër të qeverisë.
Ndër arritjet e para është përmendur marrëveshja e arritur në Samitin e Berlinit, për lëvizjen e lirë të qytetarëve të Ballkanit, vetëm me letërnjoftime dhe njohjen e diplomave universitare.
Pastaj ka folur edhe për 2 rastet që Kosova i ka fituar në Gjykatën e Arbitrazhit.
Fillimisht Telekomi i Kosovës fitoi rastin për padinë që rrezikonte humbjen e 10.000.000 eurove, e pastaj 2 javë më vonë fituan rastin e padisë ndaj shtetit me vlerë të pretenduar rreth 30.000.000 euro,
Një tjetër arritje e Qeverisë së Kosovës listohet të jetë edhe inaugurimi i Rrjetit Kombëtar për Hulumtim dhe Edukim.
Më tej, si e arritur përmendet edhe ekzekutimi i shtesave prej 50 euro për punëtorët e sektorit publik për muajin shtator dhe tetor. /InLajmi/
