Profesori Blerim Latifi ka reaguar ditën e premte për vrasjen e gruas shtatzënë në oborrin e QKUK-së, përcjell InLajmi.
Latifi tha se komentet dhe reagimet përmes të cilave e arsyetojnë dhe e justifikojnë ndodhinë janë paralajmërime të hershme të krimeve të radhës.
Ai tha se justifikimi i vrasjeve të tilla sipas tij nuk e ka fare të vështirë që në të ardhmen të bëhet vrasës në rrethana të ngjashme sepse justifikimi i krimit gjithmonë shpie në përseritjen e tij.
Postimi i plotë i tij:
Potencialisht vrasësit e nesërm të grave janë ata që sot shkruajnë komente përmes të cilave e arsyetojnë dhe e justifikojnë kët’ monstrumin që vrau gruan shtatzanë. Këto komente janë paralajmërime të hershme të krimeve të radhës.
Sepse ai që e justifikon një vrasës të tillë, nuk e ka hiç të vështirë të bëhet vetë vrasës në rrethana të ngjashme. Sepse justifikimi i krimit gjithmonë shpie në përsëritjen e tij./InLajmi/
