Juristja Besmire Bytyqi është emëruar Drejtoreshë për Mbrojtje dhe Shpëtim në Komunën e Rahovecit, përcjell InLajmi.
Emërimin e saj e ka bërë të ditur Kryetari i Komunës së Rahovecit, Smajl Latifi, i cili tha se Bytyqi ka përfunduar studimet në drejtimin Juridik në Universitetin “UKSHIN HOTI” të Prizrenit.
Poashtu, ajo ka përvojë të pasur politike, si anëtare e KK Rahovec, mandati i 2-të, ku ka treguar rezultate konkrete në vazhdimësi dhe është vlerësuar në mënyrën më të mirë për përfaqësim dinjitoz të qytetarëve.
Latifi tha se emërimi i grave profesioniste e me vlera në pozita udhëheqëse ka qenë një nga premtimet e tij të fushatës, të cilin zotohet se do ta mbanë.
Njoftimi i plotë nga Aleanca për Ardhmërinë e Kosovës:
Kryetari i Komunës së Rahovecit, Smajl Latifi ka njoftuar se sot ka emëruar juristen Besmire Bytyqi, Drejtoreshë për Mbrojtje dhe Shpëtim në këtë Komunë.
“Sot, kam emëruar drejtore të Drejtorisë për Mbrojtje dhe Shpëtim, znjsh. Besmire Bytyçin!
Besmirja ka përfunduar studimet në drejtimin Juridik në Universitetin “UKSHIN HOTI” të Prizrenit. Poashtu, ajo ka përvojë të pasur politike, si anëtare e KK Rahovec, mandati i 2-të, ku ka treguar rezultate konkrete në vazhdimësi dhe është vlerësuar në mënyrën më të mirë për përfaqësim dinjitoz të qytetarëve .
Latifi ka thënë se emërimi i grave në pozita udhëheqëse ka qenë premtim i tij në fushatë.
“Emërimi i grave profesioniste e me vlera në pozita udhëheqëse ka qenë një nga premtimet e mia të fushatës, të cilin do ta mbajmë”./InLajmi/