Në programin “Mëngjesi me Arben Ahmetin” është raportuar se Komuna e Hanit të Elezit nuk e ka ndarë asnjë cent për barazinë gjinore për vitin 2023.
Mungesa e buxhetit ka bërë që kjo komunë të mos ndajë mjete për këtë kategori.
Kryetari i Hanit të Elezit, Mehmet Ballazhi ka thënë se pamvarësisht linjës buxhetore do të mundohen si komunë të ofrojnë përkrahje për aktivitete të ndryshme që kanë në fokus barazinë gjinore.
Megjithëse buxheti i komunës për vitin e ardhshëm është më i lartë mjetet do të shkojnë kryesisht në investime kapitale si dhe për të rinjtë.
“Ne nuk bëjmë ndarje të tilla vetëm për gratë ose vetëm për burrat por përfaqësohen thuajse një llojë të gjitha kategoritë, kemi bërë rritjen e numrit të subvencioneve për studentët dhe hendikosin pensionistët dhe familjet e dëshmorëve të cilët zakonisht i dërgojmë në banjë”, tha ai.
Për ndarje buxhetore nga komuna janë shprehur të kënaqur klubet sportive në këtë komunë.
“Kryetari i komunës ka nda pjesën për stërvitje enkas për klubin e mundjes me garderobë dhe ka ndarë edhe zyre të veçant, dhe sipas kërkesat janë plotësuar dhe klubi i mundjes “Dardania” do të jetë i mbështetshëm maksimalisht”, tha ai.
Për buxhet të pamjaftueshëm ankesë ka adresuar komuna e Vitisë, kryetari Sokol Hiliti ka thënë se pamvarësisht këtij buxheti shuma të caktuara synojnë të ndajnë edhe për barazinë gjinore dhe për komunitete të tjera, raporton Gazeta10.
Sipas krerëve të komunave me sipërfaqe më të vogël, buxheti për to është i kufizuar i cili shpeshherë pamundëson realizimin e shumë projekteve të rëndësishme për qytetarët.
