Ministrja e Drejtësisë, Albulena Haxhiu ka dhënë detaje për takimin e thirrur nga e para e vendit, Vjosa Osmani, ku është trajtuar çështja e rritjes së numrit të vrasjeve dhe rolin e institucioneve shtetërore në këtë problematikë, raporton InLajmi.
Ndërkohë që për rastin e 35 vjeçares në oborrin e Gjinekologjisë, ministrja Haxhiu tha se dështimi institucional është zingjiror, ndërsa theksoi se janë në pritje të raportit e gjithë rrjedhës së rastit.
E para e Ministrisë së Drejtësisë, tha se Prokuroria ka dështuar që ta parandalojë këtë rast të vrasjes për faktin se personi i dyshuar është liruar në procedurë të rregullt edhe pse ka pasur prova për dhunë në familje.
Ministrja nuk dha përgjigje konkrete nëse do të jep dorëheqje pas rastit të vrasjes së 35 vjeçares, por theksoi se ministria që ajo drejton ka kryer detyrat bazuar në kompetencat që ka.
“Qëllimi i këtij takimi është që të flasim për situatat që kanë ndodhur për vrasjet e rënda dhe për rolin e institucioneve për adresimin e përgjegjësisë. Sipas informacioneve të para ka dështim zingjiror dhe për këtë siç iu kam thënë edhe dje në momentin që do të pranojmë raportet e inspektimit do të merret vendim në raport me kompetencat. Kanë filluar inspektimet kemi pritur që të mbarojnë dje, mirëpo duket që janë më komplekse dhe sigurisht që kanë marrë kohë më tepër”, tha Haxhiu.
Ministrja Haxhiu, theksoi se në rastet e tilla nuk mund të ndërhyjë ministria, apo thënë saktë nuk ka të drejtë t’i kërkoj Prokurorit të veproj.
“Duhet të jepet arsyeja se kur kërkohet dorëheqja e dikujt, Ministria e Drejtësisë ka kryer të gjitha kompetencat në përputhje me mandatit. MD nuk ka të drejt që t’i kërkojë prokurorit të veprojë. MD nuk të drejtë që të shkarkojë prokurorë ose gjyqtarë. Kjo qasje është e papranishme, nuk ka pas Qeveri që e ka trajtuar me më seriozitet këtë temë, lufta është e vështirë, por nuk është e pamundur. Ata të cilët po kërkojnë dorëheqje kur ne kemi proceduar në Kodin Penal ndryshimet, kanë thënë që këto ndryshime i shkelin të drejtat e njeriut. MD me kompetencë të plotë i ka kryer të gjitha përgjegjësitë, dështimi është te sistemi i drejtësisë, krimineli në korrik të këtij viti, prokuroi e ka liruar në procedurë të rregullt, nuk ka asnjë shkarkim as dorëheqje. Të japin përgjegjësi ata që nuk i kanë kryer detyrat”, u shpreh minstrja Haxhiu. /InLajmi/
