Zëdhënësja e LDK-së, Sibel Halimi ka reaguar pas arrestimit të 2 aktivisteve, që protestuan kundër vrasjes së 35-vjeçares në oborrin e QKUK-së, përcjell InLajmi.
Halimi tha se se pushteti në vend se të japë përgjegjësi për mosmbrojtje të vajzave, ajo po tenton që të disiplinojë këdo që mendon ndryshe.
Gjatë të enjtes është zhvilluar një protestë nga organizatat e grave, ku kanë kërkuar parandalimin e vrasjes së grave në vendin tonë.
Postimi i plotë i saj:
2 aktivistet ende mbahen padrejtësisht në paraburgim, sepse protestuan me të drejtë kundër vrasjes së grave. Pushteti i cili kontrollon gjithçka, në vend se të japë përgjegjësi për mosmbrojtjen e grave dhe vajzave, nëpërmjet shembujve të tillë, tenton të disiplinojë këdo që mendon ndryshe!/InLajmi/
