Aktorja, Lily Collins është rikthyer në serialin “Emily në Paris”. Netflix ka publikuar një trailer të plotë për sezonin e 3-të të serialit të tij komik, transmeton InLajmi.
Traileri i ri zbulon storien e Emily Cooper, e cila vazhdon të punojë në punën e saj të ëndrrave në një firmë marketingu franceze, e cila më pas njoftohet me romancet dhe miqësitë e reja.
Sezoni i 3-të e gjen Emilin në një udhëkryq, duke zgjedhur mes të dashuruarve dhe mundësive profesionale.
Asaj do t’i duhet të vendosë se si dëshiron të shpaloset e ardhmja e saj, duke zgjedhur midis 2 rrugëve të ndryshme.
Të 10 episodet e sezonit të ri do të debutojnë në Netflix më 21 dhjetor.
Krijuesi dhe drejtuesi i shfaqjes Darren Star rikthehet në krye të sezonit të 3-të.
“Emily in Paris” është prodhuar nga MTV Entertainment Studios, Darren Star Productions dhe Jax Media, shkruan Variety.
Në janar, Netflix konfirmoi se një sezon i 4-të i shfaqjes do të prodhohet pas publikimit të sezonit të 3-të të ardhshëm. /InLajmi/
Trailerin e plotë mund ta shihni këtu.
