Ministria e Punëve të Brendshme në kuadër të iniciativës “FestoMeZemër”, ditën e enjte ka bërë thirrje që festat e fundvitit të festohen pa fishekzjarre, përcjell InLajmi.
Në njoftim thuhet se viktimat më të shpeshta të mjeteve piroteknike janë fëmijët dhe kjo shkaktohet nga pakujdesia.
Gjithashtu, thuhet se është fare e lehtë që t`i bindim fëmijët se festat e fundvitit mund të festohet edhe pa fishekzjarre dhe mjete piroteknike.
Kjo nismë është mbështetur nga shtete të ndryshme të Botës, si Gjermani, Mbretëria e Bashkuar, Franca dhe shumë të tjera.
Njoftimi i plotë nga Ministria e Punëve të Brendshme:
🧨Të miturit janë viktimat më të shpeshta të “festës” me fishekzjarre dhe mjete piroteknike. Pse dikush do t’i jepte fëmijës së tij një “lodër” aq të rrezikshme? Mjafton pak pakujdesi për të shkaktuar lëndim serioz – humbje të gishtave, lëndime të duarve dhe këmbëve, verbërim dhe lëndime të tjera të rënda trupore.
👉 Mundemi lehtë të parandalojmë këtë duke u mësuar fëmijëve se fishekzjarret dhe mjetet piroteknike NUK janë pjesë e festës.
#FestoMeZemër
👉 Mbështetur nga Gjermania 🇩🇪, Mbretëria e Bashkuar 🇬🇧, Franca 🇫🇷, Suedia 🇸🇪, Holanda 🇳🇱, Norvegjia 🇳🇴 dhe Bashkimi Evropian 🇪🇺
