Kryetari i PDK-së, Memli Krasniqi gjatë vizitës së tij në Bruksel, ka takuar eurodeputeten Viola von Cramon ku kanë biseduar rreth zhvillimeve të fundit në vend, përcjell InLajmi.
Krasniqi tha se në takim i ka këkuar eurodeputetes Cramon që të vazhdojë avokimin e saj deri në përmbylljen e procesit të liberalizimit të vizave për qytetarët e Kosovës.
Në fund, ai shtoi se lëvizja e lirë në zonën Shengen duhet të jetësohet shpejtë dhe pa kushte për populllin e vendit tonë.
Postimi i plotë i tij:
Gjatë vizitës time në Bruksel takova edhe eurodeputeten Viola von Cramon, e cila njëkohësisht është edhe Raportuese për Kosovën në Parlamentin Evropian.
Bashkë diskutuam për zhvillimet në rajon, me theks të veçantë Kosovën dhe situatën aktuale në vend. Me këtë rast, u dakorduam për rëndësinë e miratimit së fundmi nga Parlamenti Evropian të rekomandimit për Strategjinë e Re të BE-së për Zgjerim.
Duke e falënderuar për mbështetjen e deritanishme për Kosovën, eurodeputetes Cramon i kërkova që të vazhdojë avokimin konsistent të saj në përmbylljen e liberalizimit të vizave për qytetarët e Kosovës, posaçërisht tani pas rekomandimit pozitiv nga ambasadorët e vendeve të BE-së.
Lëvizja e lirë e qytetarëve tanë në zonën Shengen, si e drejtë e merituar prej vitesh, duhet të jetësohet shpejt dhe pa kushte shtesë./InLajmi/
