Avokati Arianit Koci duke ju referuar rastit që ndodhi mbrëmjen e së mërkurës në oborrin e QKUK-së, ku mbeti e vrarë gruaja shtatzënë, reagoi sikur në këtë rast edhe për rastet e tjera kur urdhri i mbrojtjes nuk respektohet nga kryesit e dhunës, përcjell InLajmi.
Viktima e mbrëmshme raportohet se ka poseduar urdhër mbrojtës ndaj bashkëshortit për shkak të dhunës në familje.
Ditën e enjte Koci tha se për shkeljen e urdhrit mbrojtës dënimi prej 200 eurosh deri në 2.000 euro, ose dënimi me burg deri në 6 muaj është i vogël.
Tutje, avokati Koci kërkon ndryshim plotësimin e Ligjit për Mbrojtje nga Dhuna në Familje.
Postimi i plotë i tij:
Shkelja e urdhrit për mbrojtje është vepër penale.
A e dini cili është dënimi? Gjoba prej 200 euro deri në 2000 euro ose me burgim deri në 6 muaj.
Anomali. Pak, shumë pak!
Dënimi duhet të ashpërsohet urgjentisht.
Në anën tjetër, Ligji për Mbrojtje nga Dhuna në Familje duhet të ndryshohet dhe plotësohet.
Rrethanat në shoqëri, vrasjet makabre të grave, e imponojnë këtë.
Natyrisht, duhet të rritët edhe efikasiteti i gjykatave, prokurorive dhe policisë!
Sidoqoftë, jemi shoqëri reaktive.
Gjykata me urgjencë sot e caktoi seancën për urdhrin mbrojtës të klientes time./ InLajmi/
