Presidentja e Kosovës, Vjosa Osmani e cila është duke qëndruar për vizitë në Sofje të Bullgarisë, ku ka takuar homologun e saj Rumen Radev më të cilin folur për thellim të bashkëpunimit mes Kosovës dhe Bullgarisë, përcjell InLajmi.
Osmani në këtë takim tha se Bullgaria është mbështetëse e madhe e Kosovës në procesin e antarësimit në Këshillin e Evropës dhe në organizata të tjera ndërkombëtare.
Tutje, ajo ka theksuar se shteti bullgarez ka ofruar mbështetje për Kosovën për ta përballuar situatën e furnizimit me energji elektrike në kohën ku me këtë krizë po përballet edhe Evropa.
Postimi i plotë i saj:
Mikëpritje e përzemërt nga presidenti i Bullgarisë, Rumen Radev, me ftesë të të cilit kam filluar vizitën time zyrtare në Sofje. I konfirmuam marrëdhëniet e shkëlqyeshme 2 palëshe së bashku me gatishmërinë për t’i thelluar ato. Bullgaria ka ofruar mbështetje për Kosovën për ta përballuar situatën e furnizimit me energji elektrike, në kohën kur e gjithë Evropa po përballet me krizë energjetike.
Bullgaria është një mbështetëse e madhe e Kosovës në procesin e anëtarësimit në Këshillin e Evropës, në BE, në organizata të tjera ndërkombëtare, por edhe përkrahëse e liberalizimit të vizave për shtetin tonë.
Vizion i yni i përbashkët është paqja dhe stabiliteti në Kosovë, rajon dhe Evropë!/InLajmi/
