Ministri i Punëve të Jashtme të Serbisë, Ivica Daçiq, ka vlerësuar sot se është kundërproduktive të shpërblehet Kosova me vendimin për fillimin e liberalizimit të vizave, sepse siç thotë ai, është qeveria në Kosovë që është pengesë për vazhdimin e dialogut, dhe një rrezik për paqen dhe stabilitetin rajonal sepse bën lëvizje të njëanshme.
Daçiq thekson se kjo nuk është mirë as për Bashkimin Evropian, sepse tregon se nuk ka autoritet dhe se ka standarde të dyfishta.
“Nuk e di se çfarë mesazhi do të ishte ky për Serbinë, e cila ka qenë e saktë gjatë gjithë këtyre viteve, e cila ka qenë një partner i parashikueshëm dhe që vazhdimisht përballet me kërcënime, presione dhe kushte, për dallim nga përfaqësuesit e Kosovës që praktikisht shpërblehen për gabimin e tyre dhe mospërmbushjen e detyrimeve të marra ndërkombëtarisht”, tha Daçiq në një deklaratë për Tanjug.
Ai shtoi se nuk është një mesazh i mirë për t’u dërguar.
“Serbia asnjëherë nuk ka qenë kundër qytetarëve të rajonit tonë që të kenë të drejtë të udhëtojnë pa viza në vendet anëtare të BE-së. Diçka tjetër është në lojë. Para disa ditësh ishim dëshmitarë se institucionet e Republikës së Kosovës paraqesin problemin kryesor në zbatimi i Marrëveshjes së Brukselit, që paraqet kërcënim për paqen dhe stabilitetin rajonal”, tha Daçiq, shkruan Front Online.
Ai shtoi se nga përfaqësuesit më të lartë të BE-së dhe SHBA-ve dhe vendeve të tjera të mëdha është dëgjuar se lëvizjet e Kosovës janë absolutisht të papranueshme dhe theksoi se është kundërproduktive që Kosova të shpërblehet për këtë
