Ishi i dërguari Special për dialogun Kosovë –Serbi, Richard Grenell, tha se dialogun duhet ta udhëheqin amerikanët sepse kanë besimin e 2 palëve, transmeton InLajmi.
“Ne shohim që negociatat ndërmjet Beogradit dhe Prishtinës po dështojnë, sepse Departamenti i Shtetit po negocion me evropianët, dhe kur i lini ata të udhëheqin, ju merrni shumë fjalë dhe pak veprime” tha ish i dërguari special për dialogun Kosovë-Serbi në administratën Trump, Richard Grenell
Ai thekson se është e nevojshme që “udhëheqësit amerikanë të udhëheqin” me dialogun sepse ata kanë besimin e të 2-ja palëve.
Grenell tha se Kryeministri i Kosovës Albin Kurti hedh poshtë të gjitha idetë dhe është i padobishëm për procesin.
“Kurti thjesht nuk është i dobishëm në këtë situatë. Kam biseduar me të dhe ai është dikush që nuk i ka pëlqyer kurrë asnjë ide. Ai hodhi poshtë çdo ide që i ofronin amerikanët. Tani ai hedh poshtë idetë e ofruara nga evropianët. Edhe administrata Biden duhet ta kritikojë atë. Unë gjithashtu mendoj se ai nuk po i shërben popullit të tij. Nuk ndihmon në këtë situatë. Na mungon Thaçi këto ditë”, është shprehur Grenell në një intervistë në televizionin publik serb RTS.
I pyetur se çfarë i jep Kurtit një forcë të tillë, që ai të kundërshtojë të gjithë ata që marrin pjesë në dialog, Grenell, tha se nuk do ta kisha quajtur forcë.
“Nuk e di nëse do ta quaja një forcë. Thjesht thotë “jo”. Nëse ktheheni edhe te idetë e Bill Klintonit apo Barack Obamës, ai refuzon të gjitha idetë që kanë ofruar amerikanët”, tha Grenell
Grenell tha se të gjithë e dimë se dialogu Kosovë-Serbi nuk është aspak i lehtë, është shumë i vështirë, por mendoj se të 2-ja palët duhet të lëvizin./InLajmi/
