Deputetja e PDK-së, Blerta Deliu, ditën e merkurë tha se vendimi i ambasadorëve të vendeve anëtare të BE-së për të çuar përpara procesin e liberalizimit të vizave për qytetarët e Kosovës është lajm i mirë, përcjell InLajmi.
Ajo shtoi se liberalizimi i vizave ka qenë premtim i kahmotshëm i Bashkimit evropian për qytetarët e Kosovës dhe se tani është koha që ky process të finalizohet.
Deliu i bëri thirrje edhe Qeverisë së Kosovës që të jetë bashkëpunuese dhe konstruktive me me instancat e BE-së për ta realizuar procesin e liberalizimit të vizave.
Postimi i plotë i saj:
Vendimi i sotëm Ambasadorëve të vendeve anëtare të Bashkimit Evropian për të çuar përpara procesin e liberalizimit të vizave për qytetarët e Kosovës është padyshim lajm i mirë.
Tani, uroj që institucionet e Bashkimit Evropian të kalojnë edhe kilometrat e fundit të këtij procesi, si përmbushje të premtimit të kahmotshëm për Kosovën dhe qytetarët tanë. I bëj thirrje edhe Qeverisë që të jetë konstruktive, bashkëpunuese dhe në koordinim me të gjitha instancat e BE-së që vendimi i sotëm i ambasadorëve të kaloj pa probleme edhe në instancat tjera.
Padrejtësisë ndaj qytetarëve të Kosovës duhet t’i jepet fund sa më parë! /InLajmi/
