Nënkryetarja e PDK-së, Vlora Çitaku reagon ndaj deklarimeve të kryeministrit të Kosovës Albin Kurti, i cili i ka dhënë merita vetes për liberalizimin e vizave, përcjell InLajmi.
Çitaku duke iu kundërpërgjigjur Kurtit ka thënë se deklaratat e tij janë një e pavërtëtë e madhe dhe se kriteret Kosova i ka përmbushur moti.
Vlora Çitaku, tujte shtoi se kontributi i kryeministrit Albin Kurtit në procesin e liberalizimit të vizave ka filluar dhe ka përfunduar me gazin lotsjellës në Parlamentit e Kosovës.
Postimi i plotë i saj:
Kryeministri në një status të gjatë në facebook duke bërë përpjekje me ia dhanë vetes meritat për liberalizimin e vizave (në vitin 2024), paska thënë të pavërteta të mëdha, duke justifikuar kështu edhe vonesat e BE për liberalizimin e vizave.
Kryeministër, kriteret Kosova i ka përmbushur moti. Siç shpresoja ta kishit kuptuar së paku javën e kaluar kur çështja e liberalizimit të vizave për Kosovën u hoq nga agjenda, vonesat për Kosovën, së paku nga viti 2018 janë të pajustifikueshme dhe të natyrës politike.
E sa për kontributin tuaj në këtë proces, ai fillon dhe përfundon me gazin lotsjellës në Parlament./InLajmi/
