Kampionati Botëror “Katar 2022”, ditën e martë vjen me disa ndryshime në orarin e ndeshjeve, njofton InLajmi.
Deri ditën e hënë ndeshjet luheshin në orare të ndryshme duke nisur që nga ora 11:00, pastaj 14:00, 16:00 e ndeshja e fundit zhvillohej në ora 20:00.
Ndërsa, nga dita e martë, 2 ndeshje do të luhen nga ora 16:00 ndërsa 2 të tjera në ora 20:00.
2 ndeshjet që luhen nga ora 16:00 janë Ekuadori – Senegali dhe Holanda – Katari.
Të gjitha këto skuadra që garojnë në grupin A, shanset për kualifikim i kanë të hapura, përveç Katarit që tashmë është eliminuar.
Holanda gjendet në pozitën e parë me 4 pikë, ku shihet si favorit absolut ndaj Katarit.
Në pozitën e 2të gjendet Ekuadori, një më shumë se Senegali, i cili ka 3 pikë.
2 ndeshjet që do të luhen nga ora 20:00 janë Irani kundër SHBA-ve dhe Uellsi kundër Anglisë.
Grupin B e kryeson Anglia me 4 pikë, Irani me ka 3 pikë, SHBA-të 2 dhe Uellsi një pikë.
Anglia shihet favorit ndaj Uellsit, ndërsa SHBA-të është favorite në letër ndaj Iranit. /InLajmi/
