Deputeti i LDK-së, Avdullah Hoti, i ftuar nga federate Vatra me rastin e organizimit të Ditës së Flamurit në Amerikë, tha se sot flamuri shqiptar po valëvitet në Boston, për nder të 110 vjetorit të Pavarësisë së Shqipërisë, përcjell InLajmi.
Hoti tha se bashkë me zyrtarët e qytetit të Bostonit dhe me shqiptarët që jetojnë atje, sot e kanë ngritur flamurin shqiptar, i cili do të qendrojë aty për 24 orët e ardhshme, në shenjë nderimi nga qyteti i Bostonit për shqiptarët.
Tutje, ai shtoi se në këtë ceremoni ai shtoi se miqësia e shqiptarëve me SHBA-të është speciale.
Postimi i plotë i tij:
Bashkë me shqiptarë që jetojnë në Boston dhe në prani të zyrtarëve të Qytetit të Bostonit, mora pjesë në ngritjen e flamurit shqiptar para Bashkisë së Bostonit për nder të përvjetorit të 110 të pavarësisë së Shqipërisë.
Ky është një nder i veçantë që qyteti i Bostonit e bën për të gjithë shqiptarët. Flamuri kuq e zi do të valëvitet para Bashkisë për 24 orë në shenjë nderimi për 110 vjetorin e pavarësisë së Shqipërisë.
Në këtë ceremoni theksova se, miqësia e shqiptarëve me SHBA është speciale. Një president amerikan pas Luftës së Parë Botërore e mbrojti Shqipërinë e pavarur dhe e shpëtoi atë nga copëtimi i mëtejmë. Një tjetër president amerikan me 2007 kishte thënë në Tiranë se Kosova duhet të jetë e pavarur dhe ajo u bë e pavarur.
Zoti e bekoftë popullin shqiptar!🇦🇱
Zoti e bekoftë miqësinë tonë me Shtetet e Bashkuara të Amerikës!🇺🇸🇽🇰 /InLajmi/
