Lideri i AAK-së, Ramush Haradinaj, ditën e martë ka thënë se sot për të është një datë e rëndësishme, përcjell InLajmi.
Haradinaj tha se në këtë ditë, sot 10 vvite më parë ai u shpall i pafajshëm nga Gjykata e Hagës, ku ishte akuzuar për krime lufte gjatë luftës së fundit në Kosovë.
Ai potencoi se pafajësia e tij ishte kontestuar 2 herë nga Gjykata Speciale e Hagës, port ë 2 herat ai u shpall i pafajshëm.
Tutje, kreu i AAK-së shtoi se lufta e pafajësisë së tij ka zgjatur aq sa edhe lufta për çlirimin e vendit.
Postimi i plotë i tij:
Të dashur qytetarë, sot për mua është një datë e rëndësishme, është përvjetori i lirisë sime, por edhe i vulosjes së pastërtisë së luftës sonë çlirimtare.
Edhe pse çlirimtar, luftëtar për liri në tokën time, më 17 nëntor 2004 jam ftuar për herë të parë për intervistim nga Gjykata e Hagës. Që nga ajo ditë e deri më 29 nëntor 2012 ka zgjatur ndjekja ligjore ndaj meje. Edhe pse në aktgjykimin e parë jam liruar si i pafajshëm, pas disa viteve jam ftuar për herë të 2të në rigjykim.
Përfundimisht, sot para 10 viteve, mora aktvendimin e pafajësisë. Lufta për pafajësinë time zgjati po aq sa zgjati lufta për liri.
Falënderoj gjithë ata që nuk humbën besimin në mua dhe në pafajësinë time, e mu gjenden pranë në të gjitha mënyrat! /InLajmi/
