Ditën e hënë u mbajt Konferenca për viktimat e dhunës seksuale gjatë konfliktit në Londër, ku pjesë e panelit ishte Ministja e Punëve të Jashtme të Kosovës, Donika Gërvalla dhe Ministri i Punëve të Jashtme të Serbisë, Ivica Daçiq, përcjell InLajmi.
Prania e Daçiqit ka shkaktuar shqetësim tek të pranishmit dhe fjalimi i ministres Gërvalla ka qenë mjaft eksplicit kundrejt këtij të fundit.
Por Gërvalla nuk ishte e vetmja që ka reaguar lidhur me prezencën e Daçiqit në panel, sepse menjëherë pas përfundimit të konferencës ka reaguar deputetja britanike Alicia Kearns, duke thënë se ky panel është formuar keq dhe gabim, sepse Daçiq nuk do të duhej të ishte i pranishëm.
Ajo madje e quajti Ministrin e Punëve të Jashtme të Serbisë si “Sloba i vogël”, duke thënë se ai asnjëherë nuk ka kërkuar falje për krimet seksuale të luftës në Kosovë.
Postimi i plotë i saj:
Kjo është bërë keq dhe gabim.
Regjimi i Millosheviçit pa përdhunimin e 25,000+ grave muslimane me krime të industrializuara seksuale të luftës në kampet e përdhunimeve. ‘Sloba i vogël’, pseudonimi i Ivica Daçiqit, nuk ka kërkuar kurrë falje për krimet seksuale të luftës të regjimit për të cilin ishte propagandues. /InLajmi/
