Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 29 nëntor.
29 nëntor 1864 – Ndodhi masakra më e madhe ndaj lëkurëkuqve në historinë e Shteteve të Bashkuara të Amerikës, e cila njihet si “San Creek”. Ushtria amerikane sulmoi një fshat lëkurëkuqsh të pambrojtur duke vrarë rreth 500 prej tyre, përfshi këtu shumë gra e fëmijë.
29 nëntor 1937 – U bë hapi i parë për mëvetësinë e Hatayit dhe qeveria autonome mori drejtimin e provincës.
29 nëntor 1947 – Pavarësisht kundërshtimeve të forta të arabëve Organizata e Kombeve të Bashkuara vendosi për ndarjen e Palestinës dhe themelimin e një shteti të pavarur izraelit. Ky vendim çoi në fillimin e konflikteve që vijojnë ende sot e kësaj dite.
29 nëntor 1963 – Presidenti i Shteteve të Bashkuara të Amerikës, Lyndon Johnson, mandatoi delegacionin e quajtur “Komisioni Warren” për të hetuar atentatin fatal ndaj pararendësit të tij John F. Kennedy.
29 nëntor 1981 – Aktorja amerikane Natalie Wood, 3 herë laureate e Çmimeve Oskar, humbi jetën në një aksident detar të mistershëm. Si rezultat i hetimeve që vijuan për vite të tëra, policia deklaroi se “personi i dyshuar” për vdekjen e aktores ishte bashkëshorti i saj Robert Wagner.
29 nëntor 2012 – Shteti i Palestinës u pranua si “anëtar vëzhgues” në Asamblenë e Përgjithshme të Kombeve të Bashkuara.
29 nëntor 2016 – Ra avioni që transportonte skuadrën braziliane të futbollit, Chapecoense, për në finalen e Kupës së Amerikës Latine në Kolumbi. Aksidenti u mori jetën 76 pasagjerëve, nga 81 që ishin gjithsej në bord. Nga aksidenti tragjik shpëtuan vetëm 3 futbollistë.
