Presidentja e Republikës së Kosvës, Vjosa Osmani, me rastin e ditës së flamurit ka bërë homazhe tek varri i heroit, Adem Jashari, përcjell InLajmi.
Osmani tha se në këtë ditë janë 3 data të rëndësishme për popullin shqiptar, festa e flamurit, ditëlindja e Adem Jasharit dhe dita e rënies së tij për lirinë e Kosovës.
Tutje, ajo tha se Adem Jashari mbetet i gjallë në historinë e vendit dhe në zemrat e secilit, sepse ai është hero i dinjitetit tonë.
Postimi i plotë i saj:
I vendosur, guximtar e luftarak. Ky është komandanti legjendar i UÇK-së, Adem Jashari. Në shënimin e ditës së lindjes, u përulëm para varrit të tij dhe familjarëve, të cilët u bën fli për lirinë tonë.
Ai hyri një herë në histori për të mbetur përherë dhe për t’u kujtuar veçanërisht më 28 nëntor, krahas Ditës së Flamurit dhe Pavarësisë së Shqipërisë. Një ditë dhe 3 data historike.
Adem Jashari është hero i dinjitetit tonë!
Ai është i gjallë! /InLajmi/
