Kryetari i Këshillit Kombëtar Shqiptar, Ragmi Mustafi, ka uruar ditën e flamurit ashtu siç nuk e ka pritur askush, përcjell InLajmi.
Edhe pse një veprim i tillë është i ndaluar me ligj nga autoritetet serbe, Mustafi e ka vendosur flamurin kombëtar në ballkon të ndërtesës së Këshillit Kombëtar Shqiptar.
Ai tha se këtë e ka bërë në nderë të sakrificës së shqiptarëve në Preshevë, Bujanoc dhe Medvegjë.
Mustafi tha se vet ndalimi me ligj i flamurit shqiptar në Luginë është njollosje nga shteti dhe se nu ki takon shtetit t`i përzgjedhë veçoritë identitare të bashkësive të ndryshme etnike/kombëtare.
Kryetari i Këshillit Kombëtar Shqiptar shtoi se do ta vazhdojë betejën politike dhe juridike për legalizimin e simboleve kombëtare shqiptare dhe se ky flamur do të valojë gjithmonë në Luginë.
Postimi i plotë i tij:
Gëzuar 28 Nëntorin, Ditën e Flamurit!
Edhe sot si 4 vite radhazi, nga pozita e kryetarit të këtij institucioni, vendosëm të valoj flamurin kombëtar në Këshillin Kombëtar Shqiptar.
Në nderë të sakrificës së shqiptarëve në Preshevë, Bujanoc dhe Medvegjë. Pavarësisht, përndjekjes së autoriteteve serbe e ndalimit me ligj.
Nuk është zgjidhje vendosja e flamurit kombëtar krahas atij serb për një ditë si kompromis në heshtje i mos zhvillimit të procedurave të kundërvajtjes. E as vendosja, vetëm flamurit kombëtar për një ditë të vetme.
Vetë ndalimi me ligj i flamurit kombëtar shqiptar është njollosje e tij nga shteti. Nuk i takon shtetit t’i përzgjedhë veçoritë identitare të bashkësive të ndryshme etnike/kombëtare.
Këshillit Kombëtar Shqiptar do ta vazhdojë betejën politike dhe juridike për legalizimin e simboleve kombëtare shqiptare. Simbolet tona. Pa ndryshime. Pa dallime.
Simbolet kombëtare nuk duhen ndryshuar!
Janë ligjet diskriminuese ato që duhen ndryshuar!
Flamuri kombëtar shqiptar do të valojë në Luginën e Preshevës!
Gjithnjë, gjithmonë, përgjithmonë!
Urime 28 nëntori, Dita e Flamurit! /InLajmi/
