Komisioni Qendror i Zgjedhjeve ka çertifikuar 12 kandidatë për zgjedhjet për kryetarë të komunave në Mitrovicën e Veriut, Leposaviq, Zveçan dhe Zubin Potok, përcjell InLajmi.
Sipas, KQZ-së zgjedhjet në komunat e pjesës veriore të Kosovës do të mbahen me datën 18 dhjetor të këtij viti.
Sipas njoftimit të KQZ-s, në këto zgjedhje do të marrin pjesë kandidatë nga Partia Demokratike e Kosovës, derisa në Komunën e Zveçanit, kandidate për kryetare është Albulena Behluli Hetemi, në Zubin Potok është Izmir Zeqiri, në komunën e Zveçanit është Ilir Peci ndërsa në Mitrovicën e Veriut është Taulant Kelmendi.
Nga Iniciativa Qytetare Mitrovica, kandidatë për kryetar në Mitrovicën e Veriut është Betim Osmani.
Nga Lëvizja Vetëvendosje kandidatë për kryetar në Komunën e Leposaviqit është Lulzim Hetemi, për Zubin Potok kadidatë është Flatron Hasani, ndërsa në komunën e Zveçanit dhe të Mitrovicës së Veriut është Fetah Peci dhe Erden Atiq.
Për kyetarë të komunave në veri marrin pjesë edhe kandidatë nga Lista Serbe.
Njoftimi i plotë nga Komisioni Qendror i Zgjedhjeve:
KQZ-ja certifikoi kandidatët në zgjedhjet për kryetar në komunat: Mitrovicë e Veriut, Zveçan, Leposaviq dhe Zubin Potok dhe emëroi Komisionet Komunale të Zgjedhjeve
Prishtinë, 28 nëntor 2022 – Komisioni Qendror i Zgjedhjeve mbajti mbledhjen e radhës, të kryesuar nga kryetari, Kreshnik Radoniqi.
Në këtë mbledhje, KQZ-ja mori vendim për certifikimin e subjekteve politike dhe kandidatëve për të marrë pjesë në zgjedhjet e jashtëzakonshme për kryetar të 4 komunave: Mitrovicë e Veriut, Zveçan, Leposaviq dhe Zubin Potok, të cilat do të mbahen më 18 dhjetor 2022./InLajmi/
