Ish-presidenti i Republikës së Shqipërisë dhe tani kryetari i Partisë së Lirisë, Ilir Meta, ditën e hënë ka uruar ditën e 28 Nëntorit, festës së flamurit, për të gjithë shqiptarët kudi që ndodhen, përcjell InLajmi.
Ai tha se sakrificat dhe gjaku i derdhur i heronjve që luftuan për lirinë e atdheut duhet të jenë pishtar që i ndriçon mendjet e udhëheqësve të vendit për ta mbrojtur Shqipërinë nga rreziqet e reja dhe të krijojnë kushte të përshtatshme që qytetarët e saj të jetojnë me dinjitet dhe krenari.
Meta shtoi se 110 vjet më parë heronjtë e kombit kishin idela vetëm Atdheun dhe sot ne përkulemi para tyre me nderim.
Postimi i plotë i tij:
Sot në Ditën e Flamurit Kombëtar, përulemi me nderim para veprës së ndritur të Ismail Qemalit dhe Etërve të Pavarësisë, që 110 vjet më parë themeluan shtetin modern duke patur për ideal të shenjtë vetëm Atdheun dhe fatet e Tij.
Patriotizmi, sakrificat dhe gjaku i derdhur për Flamurin Kombëtar duhen të jenë në çdo kohë pishtari që na ndriçon mendjet dhe udhën e duhur ku duhet të ecim për të mbrojtur Shqipërinë nga çdo rrezik i ri dhe për ta bërë këtë tokë të bekuar sa më të begatë, ku sot e mot të gjithë shqiptarët dhe fëmijët e tyre të jetojnë me dinjitet dhe krenari.
Lavdi përjetë 28 Nëntorit të Gjergj Kastriot Skënderbeut, Ismail Qemalit, Isa Boletinit dhe Adem Jasharit! /InLajmi/
