Ministrja e Punëve të Jashtme, Donika Gërvalla Schwarz, ditën e hënë ka marrë pjesë në Konferencën kundës Dhunës Seksuale në Konflikt (PSVI), ku ka qenë i ftuar edhe Ministri i Jashtëm i Serbisë, Ivica Daçiq, përcjell InLajmi.
Gërvalla Schwarz tha se prania e ministrit serb në panel me një të mbijetuar të dhunës seksuale të luftës në Ukrainë ka ngjallur shqetësim tek viktimat e pranishme dhe reagime të ashpra të pjesëmarrësve në konferencë.
Tutje, ajo shtoi se viktimat kanë nevojë për drejtësi, e jo për përballje me krimin, siç ndodhi në këtë konferencë.
Për më tepër, gjatë fjalimit që mbajti Donika Gërvalla Schwarz në këtë konferencë u duartrokit disa herë nga publiku i pranishëm.
Postimi i plotë i saj:
Në Konferencën kundër Dhunës Seksuale në Konflikt (PSVI), i ftuar në Londër edhe Ministri i Jashtëm i Serbisë.
Ivica Daçiçi ne një panel me të mbijetuarën e dhunës seksuale të luftës në Ukrainë.
Prania e tij në sallë dhe në panel nxiti shqetësim tek viktimat e pranishme dhe regime të ashpra të pjesëmarrësve të konferencës.
Viktimat kanë nevojë për drejtësi, jo për ballafaqim me krimin. /InLajmi/
