Deputeti i Lëvizjes Vetëvendosje, Mefail Bajqinovci, së bashku me urimin për festën e flamurit i ka lajmëruar edhe për rihapjen e stacionit policor numër 3, në Kodren e Trimave, përcjell InLajmi.
Ai tha se para 7 muajsh ky stacion policor ishte mbyllur me kërkesën e inspekcionit sanitar, për shkak të kushteve të dobëta në të cilat punonin policër, e disa prej tyre madje edhe ishin sëmurë më kancer.
Bajqinovci tha se këto hapësira që u përuruan sot për këtë stacion policor janë të përkohshme, sepse po investohet në një objekt të ri të përhershëm në të cilin do të operojë ky stacion.
Postimi i plotë i tij:
Në festën kombëtare të 28 nëntorit, jam i gëzuar që po e hapim stacionin policor me nr. 3 të Kodrës së Trimave
Para 7 muajsh, të nxitur nga kushtet e rënda të punës së policëve të stacionit nr. 3 – Kodra e Trimave që punon në kontejnerë kancerogjenë, patëm kërkuar nga AVUK-u inspektim sanitar.
Aty ishte rekomanduar që assesi të mos vazhdohet të punohet nga policët në ato ambiente, ku të paktën 5 policë ishin sëmurë me kancer si pasojë e materieve të kontejnerëve me vjetërsi 21-vjeçare.
Sot, pas trajtimit të kësaj teme edhe në Komisionin parlamentar ku jam anëtar për Çështje të Sigurisë, jam i lumtur që bëmë përurimin e hapësirave të reja të punës për policët e stacionit nr. 3 të Kodrës së Trimave.
Këto ambiente do të jenë të përkohshme deri në përfundimin e punimeve të ndërtimit të objektit të ri.
Së bashku me Festën e Flamurit, urime për policët e Kodrës së Trimave stacioni i ri policor! /InLajmi/
