Ministri i Mbrojtjes, Armend Mehaj ka ururar të gjithë shqipëtarët festën e 28 nëntorit, përcjell InLajmi.
Mehaj tha se ëndrrën tonë shekullore po e jetësojmë çdo ditë, kështu sipas tij duke i ngritur kapacitetet e Ushtrisë së Kosovës dhe duke i bartur uniformat e FSK-së vajzat dhe djemtë e ushtrisë.
Ai tutje ka shtuar se synimet janë që të bashkëveprojmë me NATO-në për të mbizotruar paqe gjithandej globit.
Për festën e Pavarësisë së Shqipërisë, Mehaj ka uruar Ushtirnë e Kosovës dhe gjithë shqiptarët për këtë festë, ku nga mbledhja e 2 kuvendeve në Tiranë, ai ka bërë të ditur se festën e vazhduan në Prishtinë.
Postimi i plotë i tij:
DITA E FORCËS, NËNTORI I SHQIPTARËVE!
Nga Tirana vazhduam festën në Prishtinë!
Ëndrrën tonë shekullore po e jetësojmë çdo ditë, përmes ushtrisë sonë kapacitetet e të cilës po ngriten në vazhdimësi, përmes vajzave dhe djemve tanë që me fisnikëri, krenari e vullnet të hekurt bartin uniformën, emblema e së cilës do të thotë shumë për ne. Shqiponja e flamurit do të thotë historia e kombit, e përbashkëta që përtej kufijve bashkon idealet, rrënjët tona që nuk ndryshohen dhe as shkëputen ndonjëherë.
Shumë rrugë kemi bërë për atë që do mbetet trashëgimi ndër breza, ushtri, komb dhe liri, edhe më shumë se brenda hapësirës tonë territoriale shtetërore, sepse synimet tona janë të bashkëveprojmë në familjen evropiane dhe në NATO, për paqen që duhet mbizotëruar gjithandej globit, për lirinë universale të njerëzimit.
Urime të gjithëve Dita e Forcës, Dita e Ushtrisë sonë!/InLajmi/
