Këtë të dielë kryeministri Edi Rama ka bërë bashkë 2 Kubendet në një mbledhje solemne për nderë të 110 vjetorit të pavarësisë së Shqipërisë, raporton InLajmi.
Shefja e Grupit Parlamentar të Vetëvendosjes, Mimoza Kusari-Lila, në seancën e përbashkët të Kuvendit të Kosovës dhe Shqipërisë, tha se për dallim prej kolegëve të saj deputetë, do të shfaqë edhe emocionin për këtë mbledhje të parë të parlamentarëve të Kosovës e Shqipërisë.
“Wow! Një pamje impozante – pamja më e bukur në botë. Faleminderit se kolegët e mirë deri më tani nuk e treguam peshën e emocionit që ndiejmë ne nga Kosova që kemi ardhur për të mbajtur fjalim nga foltorja e Kuvendit të Shqipërisë”, tha ajo në fjalën e sa.
Kusari-Lila nuk la pa përmendur e dhe ditëlindjen e komandantit legjendar Adem Jashari e daljen e parë publike të UÇK-së që bien në të njëjtën datë të pavarësisë së Shqipërisë.
“Për më shumë se për formën kjo ditë dhe çdo ditë tjetër e angazhimit tonë duhet të jetë me përmbajtjen e punë edhe përpjekjeve tona për hapësirën tonë shqiptare. Për mua si një vajzë e lindur dhe e rritur në Gjakovë, e ushqyer me mësimet se kufiri përveçse i përkohshëm, asnjë status tjetër nuk e ka, nuk kam arritur asnjëherë të projektoj zhvillimin e Malësisë pa tërësinë e saj”. /InLajmi/
