Ministrja e Drejtësisë, Albulena Haxhiu ka bërë të ditur se me homologun e tij, Ulsi Manja kanë nënshkruar 2 marrëveshje bashkëpunimi në fushën e Drejtësisë, përcjell InLajmi.
Sipas, Haxhiut njëra marrëveshje ka të bëjë me vendosjen e një bashkëpunimi të ndërsjelltë ndërmjet të 2 vendeve në fushën e sistemit penitenciar.
Ministrja Haxhiu, tutje tha se marrëveshja tjetër ka për qëllim lehtësimin e bashkëpunimit të institucioneve në fushën e mbikqyrjes së ekzekutimit të dënimeve dhe lirimit me kusht.
Të gjitha këto u zhvilluan në kuadër të mbledhjes së 2 kuvendeve asaj të Shqipërisë dhe Kosovës me rastin e festës së 28 nëntorit.
Postimi i plotë i saj:
Sot, në prag të shënimit të 28 Nëntorit dhe me qëllim të fuqizimit të bashkëpunimit, me homologun tim, Ulsi Manja, nënshkruam 2 marrëveshje të reja nga fusha e Drejtësisë.
– Marrëveshja për vendosjen e një bashkëpunimi të ndërsjellët ndërmjet palëve në fushën e sistemit penitenciar dhe
– Marrëveshja për lehtësimin e bashkëpunimit të institucioneve në fushën e mbikëqyrjes së ekzekutimit të dënimeve alternative dhe lirimit me kusht./InLajmi/
