Lideri i Partisë Demokratike të Kosovës, Memli Krasniqi ka reaguar për ngjarjen e rëndë në Prishtinë ku dyshohet se një burrë vrau gruan e tij me armë të ftohtë, përcjell InLajmi.
I prekur thellë për vrasjen e trishtë, Krasniqi shprehu ngushëllime për familjarët miqtë e kolegët, ndërsa theksoi se viktima e dhunës në familje ishte mësimdhënëse para pensionimit.
Ndërsa flet për viktimën e së premtes, lideri i PDK-së tha se fenomenet e tilla, viktima të dhunës fatkeqësisht po përsëriten shpesh në vendin tonë.
Ai bëri thirrje se institucionet e vendit që jo vetëm me hartimin e strategjisë por të veprojnë konkretisht për parandalimin e dhunës në familje.
Postimi i plotë i tij:
Tragjik lajmi për vrasjen e arsimtares Sadije Godeni në Prishtinë. Një punonjëse e përkushtuar e arsimit, e cila tërë jetën ia kishte deduar edukimit të shumë brezave. Fatkeqësisht, pak para pensionimit të saj, ajo sot ishte viktimë e dhunës në familje, fenomen që po përsëritet pa pushim në vendin tonë.
Koha është jo vetëm për strategji të mirëfillta, por edhe për veprime konkrete institucionale për parandalimin e dhunës në familje. Ky duhet të jetë prioritet i shoqërisë dhe shtetit tonë, për të cilin duhet të reagohet urgjentisht. Familjes së arsimtares Sadije, kolegëve e miqve të saj, u shpreh ngushëllimet më të thella!/InLajmi/
