Shërbimi Korrektues i Kosovës ka bërë të ditur se ka vdekur një i burgosur në Qendrën Korrektuese të Dubravës si pasojë e një sëmundje, përcjell InLajmi.
Sipas njoftimit të Shërbimit Korrektues i burgosuri për shkak të gjendjes së përkeqësuar shëndetësore është dërguar në Stacionarin Shëndetësorë të Dubravës, por edhe përkundër ndihmës së ofruar ai ka ndërruar jetë.
Bëhet e ditur se i burgosuri ka qenë i dënuar për vepra penale dhe për shkak të gjendjes së tij shëndetësore është kërkuar disa herë pezullimi i dënimit të tij, mirëpo kërkesat janë refuzuar.
Njoftimi i plotë nga Shërbimi Korrektues i Kosovës:
Në Stacionarin Shëndetësor të QK Dubravë vdes një i burgosur
Shërbimi Korrektues i Kosovës, njofton opinionin publik se sot rreth orës 11:30, në Stacionarin Shëndetësor të Qendrës Korrektuese të Dubravës, ka ndërruar jetë i burgosuri me inicialet E.D, viti i lindjes 1974.
Si pasojë e sëmundjes është kërkuar që i burgosuri të dërgohet në Stacionarin e Burgut të Dubravës, mjeku kujdestar bënë kontrollin mjekësor, ku edhe përkundër ofrimit të ndihmës mjekësore, i njëjti ka ndërruar jetë.
I njëjti ishte i dënuar për veprat penale; Grabitje, Mbajtje në pronësi ose posedim i paautorizuari armëve.
SHKK për shkak të gjendjes së tij shëndetësore ka bërë 2 herë kërkesë për pezullimin e dënimit, por kërkesat janë refuzuar.
Organet kompetente janë duke u zhvilluar procedurat ligjore, ndërsa autopsia do të verifikoi shkakun e vdekjes./InLajmi/
