Prokuroria Themelore në Prishtinë ka njoftuar se të premten rreth orës 4 të mëngjesit është paraqitur një person stacionin policior, i cili dyshohet se ka privuar nga jeta bashkëshorten e tij, përcjell InLajmi.
Prokuroria i ka caktuar masen e paraburgimit prej 48 orëve ndërsa ndërsa nga vendi i ngjarjes është sekuestruar sëpata dhe trupi i viktimës është dërguar për obduksion
“Sot, rreth orës 04:40, në Stacionin Policor Qendra, është paraqitur personi i lartcekur, i cili dyshohet se ka privuar nga jeta bashkëshorten e tij, tani të ndjerën S.G. (1959), me një mjet të mprehtë (sëpatë), në shtëpinë e tyre, në Rr. “Mark Isaku” në Prishtinë”.
Nga vendi i ngjarjes, trupi i viktimës është dërguar për obduksion.
“Prokurori kujdestar nga Departamenti i Krimeve të Rënda, bashkë me njësitë relevante kanë dalë në vendin e ngjarjes, me ç’ rast kanë ndërmarrë veprimet hetimore, si dhe në vendin e ngjarjes është sekuestruar sëpata me të cilën dyshohet se është kryer vepra penale, ndërsa me urdhër të prokurorit është dërguar për obduksion trupi i pa jetë”.
Sipas prokurorisë ende nuk dihen motivet që çoi në vrasje.
“Aktualisht, nga hetimet fillestare nuk dihet motivi i kryerjes së këtij akti, derisa Prokurori i Shtetit, brenda afatit ligjor do të ushtrojë kërkesën për caktimin e masës së paraburgimit ndaj të dyshuarit, si dhe në koordinim me policinë do të vazhdojë ndërmarrja e veprimeve hetimore për t’i sqaruar në plotëni rrethanat e këtij rasti”./InLajmi/
