Ditën e premte pas një përleshje fizike në Viti janë plagosur 4 persona, përcjell InLajmi.
Sipas Policisë së Kosovës dhe mjekut kujdestar në QKUK 4 persona kanë pësuar lëndime trupore dyshohet nga mjete të forta, derisa një nga të lënduarit është dërguar në qendrën emergjente në Gjilan, 3 të lënduarit e tjerë janë transferuar në QKUK në Prishtinë për shkak të lëndimeve trupore, të gjithë janë jashtë rrezikut për jetë.
Policia e Kosovës njofton se të dyshuarit janë në kërkim të dhe në lidhje me rastin është njoftuar Prokurori i shtetit.
Njoftimi i plotë nga policia e Kosovës:
Lëndim trupor
Viti, 25 nëntor 2022
Drejtoria Rajonale e Policisë Gjilan, Stacioni Policor Viti sot me datë 25.11.2022 rreth orës 17:10 ka pranuar informatë se në një rrugë në qytetin e Vitisë ka ndodhur një përleshje fizike në mes të disa personave.
Në këtë rast katër (4) persona kanë pësuar lëndime trupore dyshohet nga mjete të forta. Një (1) nga të lënduarit është dërguar në qendrën emergjente në Gjilan, ndërsa tre (3) të lënduarit e tjetre për shkak të lëndimeve të pësuara janë transferuar në QKUK Prishtinë. Sipas mjekut kujdestar të gjithë të lënduarit janë jashtë rrezikut për jetë.
Njësitet policore menjëherë i janë përgjigjur rastit dhe janë arrestuar tre (3) të dyshuar kosovar ndërsa dy të dyshuar tjerë të cilët janë të njohur për policinë janë në kërkim policor.
Në lidhje me rastin është njoftuar Prokurori i Shtetit. Rasti po hetohet nga Policia e Kosovës Hetimet Rajonale në Gjilan./InLajmi/
