Kryetari i Komunës së Deçanit, Bashkim Ramosaj, shprehet kundër Projektligjit të Buxhetit të vitit 2023, në të cilin parashihet që të hyrat vetanake të komunës nuk shpenzohen gjatë vitit ato do të merren dhe do iu ndahen komunave tjera apo edhe do të shkojnë në nivel qendror, raporton InLajmi.
Ramosaj thotë se një veprim i tillë cenon të drejtën ligjore e kushtetuese, derisa paralajmëron që vendimin ta dërgojë në Gjykatën Kushtetuese.
“Në këtë paragraf është cenuar diçka që komunave u jepet me ligj dhe me Kushtetutë e që i japin qytetarët me taksat e tyre”, deklaroi Ramosaj në konferencën për media të premten.
I pari i Komunës së Deçanit theksoi se propozimi i tillë është bërë pa konsultim me komunat.
Me një fjalë tha Ramosaj neni i tillë ku penalizon komunat me marrjen e mjeteve vetanake të pashpenzuara
“Praktikisht, ky është dëm në aspektin financiar që iu bëhet komunave. Por është dhe aspekti tjetër, që çdo ligj që amandamentohet duhet të ketë një procedurë të saktë që kur të bëhet ky propozim të pyeten komunat që t’i japin komentet e saja, kurse këtë rast është kontrabanduar ky nen në këtë Projektligj”, tha Ramosaj.
Ai paralajmëroi veprime të tjera ndaj paragrafit ku fitet për marrjen e mjeteve vetanake.
“Realisht ky është hapi i parë, hapat e tjerë do të jenë ligjorë deri në Gjykatë Kushtetuese”, tha kryetari Ramosaj./InLajmi/
