Kryetari i AAK-së, Ramush Haradinaj ka mbajtur fjalim para qytetarëve të Lipjanit, ku tha se arritja e marrëveshjes për njohjen reciproke me Serbinë, ka marrur dinamikë të re pas angazhimit të ndërkombëtarëve, përcjell InLajmi.
Haradinaj, po ashtu gjatë bashkëbisedimit me qytetarët e Lipjanit ka sqaruar pjesët e marrëveshjes së propozuar për dialogun e Kosovë-Serbi.
Tutje, ai ka shtuar se kryeministri të Kosovës Albin Kurti i ka dhënë këshilla për menaxhimin sa më të mirë të këtij procesi për brezat që vijnë.
Postimi i plotë i tij:
Arritja e marrëveshjes për njohje reciproke me fqinjin verior, ka marrë një dinamikë të re pas angazhimit të shtuar ndërkombëtar.
Për nevojën e kujdesit të vazhdueshëm dhe përfshirjes sa më afër të institucioneve të vendit, fola sot para qytetarëve të Lipjanit.
Gjatë bashkëbisedimit kam sqaruar dhe pjesët kryesore të marrëveshjes së propozuar Kosovë – Serbi dhe për këshillat që i kam dhënë kryeministrit të vendit për menaxhimin sa më të mirë të këtij procesi të rendësishëm për ne dhe brezat që vijnë.
Ne nuk do të qëndrojmë vëzhgues ndaj procesit të dialogut, por as përballë krizës së rëndë ekonomike e energjetike dhe paaftësisë së qeverisë për të marrë masat dhe veprimet e duhura, por do të kryejmë me dinjitet rolin tonë opozitar./InLajmi/
