Serbia dhe Kosova duhet të normalizojnë plotësisht marrëdhëniet e tyre pasi arritën një marrëveshje që i dha fund një mosmarrëveshjeje 2 vjeçare për targat e makinave, tha të enjten ministri i Jashtëm italian, Antonio Tajani, përcjell InLajmi.
Tajani ka bërë të ditur se ka biseduar të enjten me kryeministrin Albin Kurti dhe me presidentin e Serbisë, Aleksandar Vuçiq, të cilët i ka përgëzuar për marrëveshjen.
“Tani është e nevojshme të vazhdohet në rrugën e dialogut dhe normalizimit të plotë të marrëdhënieve” midis Kosovës dhe Serbisë, tha Tajani.
Ndryshe, diplomati italian, i cili vizitoi 2 kryeqytetet të martën me ministrin italian të Mbrojtjes, Guido Crosetto, tha se “e ardhmja e Ballkanit është në Evropë dhe Italia është e gatshme të luajë një rol udhëheqës në rajon”.
Kujtojmë se Kosova dhe Serbia të mërkurën arritën marrëveshje për çështjen e targave, ku Serbia nuk lëshon më targa ilegale, kurse Kosova nuk vazhdon me gjobat për targat që i ka lëshuar Serbia./InLajmi/
https://twitter.com/Antonio_Tajani/status/1595757479849332736
