Ministrja e Drejtësisë, Albulena Haxhiu, ka thënë se vendimi i Qeverisë të mërkurën për uljen e pagave për prokurorët dhe gjyqtarët është shfuqizuar vendimi i ish-kryeministrit Ramush Haradinaj, sepse është konsideruar anti-ligjor, raporton InLajmi.
Sipas saj Ligji i pagave do të bëjë nivelizim të pagave dhe si i tillë nuk mund të konsiderohet anti-Kushtetues.
“Në mbledhjen e djeshme të Qeverisë, janë shfuqizuar dy Ligje dhe qëllimi i tyre është që të bëhet reforma në administratën publike dhe të mos bëhet dallime në paga”, theksoi Haxhiu.
“Ligji pos që bën nivelizim e pagave të gjyqtarëve dhe prokurorë, ky vendim e shfuqizon vendimin arbitrar të ish-Qeverisë Haradinaj. Ish-kryeministri Haradinaj ia kishte rritur vetës pagën dhe nuk e ka menduar se mund të ketë probleme në të ardhmen”, tha Haxhiu, duke shtuar se pagat nuk duhet të jenë në shpërputhje me ligjin.
“Ligji i Pagave që ka shkuar në Kuvend, i rrit pagat gjyqtarëve dhe prokurorëve dhe nuk mund të mbahet një ligj që është në shpërputhje me ligjin”, tha tutje Haxhiu./InLajmi/
