Kryeministri i Kosovës, Albin Kurti në seancën e së enjtes para ligjvënësve, tha se e arritëm qëllimin me marrëveshjen e arritur të mërkurën me Serbinë, derisa theksoi se marrëveshja në Bruksel ishte arritje e madhe, raporton InLajmi.
Sipas kryeministrit Kurti i gjithë qëllimi i bisedimeve në Bruksel ka qenë që propozimi franko-gjerman të bëhet çështje e bisedimeve.
“Qëllimi ynë ishte që propozimi franko-gjerman të bëhet çështja e bisedimeve në Bruksel drejt arritjes së një dakordimi i cili shtetit tonë ia bashkangjet edhe një raport normal e europian me Serbinë, me fqinjin tonë verior”, tha Kurti.
Ndërsa foli për marrëveshjen për targat , Kurti tha se është një marrëveshje e madhe e që do të pasoj edhe me marrëveshje të tjera për zgjidhjen e problemeve me Serbinë.
“Besoj që kjo është një arritje e madhe sepse për herë të parë procesi i dialogut hyn në një fazë të negocimit mbi kornizën e përgjithshme, që do të jetë ligjërisht e obligueshme e që do t’i zgjidhë problemet fundamentale nga prizmi i së drejtës ndërkombëtare”, deklaroi Kurti./InLajmi/
