Kryeministri i Kosovës, Albin Kurti tha se marrëveshja për targat hap rrugë për bisedime intensive për normalizim të plotë të marrëdhënieve me Serbinë, përcjell InLajmi.
Sipas, Kurtit vendimi i djeshëm për targat është bazuar në Propozimin e BE-së të mbështetur nga Franca, Gjermania dhe SHBA-të.
Shefi i ekzekutivt të vendit është shprehur se tani është koha për hapa të mëdhenj.
I pari i Qeverisë së Kosovës Albin Kurti ka falënderuar ambasadorin e Shteteve të Bashkuara të Amerikës, Jeffrey Hovenier për rolin dhe mbështetjen e Kosovës në të gjitha proceset.
Postimi i plotë i tij:
Nuk ka kohë për ambicie të vogla, është koha për hapa të mëdhenj. Dakordimi i djeshme hap rrugën për bisedime intensive për normalizimin e plotë të marrëdhënieve me Serbinë bazuar në Propozimin e BE-së të mbështetur nga Franca, Gjermania dhe SHBA-ja. Falënderojmë ambasadorin e SHBA-së në Kosovë Hovenier për rolin, mbështetjen dhe përkushtimin e tij./InLajmi/
