Kryetari i AAK-së, Ramush Haradinaj, marrëveshja për targat në Bruksel të mërkurën u evitua rreziku i parë që të ketë viktima, raporton InLajmi.
Megjithatë, Haradinaj tha se se situata në veri nuk është zgjidhur me marrëveshjen për targat.
“Sfida që na pret është rikthimi në institucione i atyre që kanë lëshuar vendet e punës, apo plotësimi i gjithë atyre vendeve vakante në rend dhe ligj”, tha Haradinaj.
Tutje theksoi Haradinaj se ka pasur parandjenja se do të arrihet kjo marrëveshje.
“E kam ditë që do të vijmë tek kjo marrëveshje e tillë për faktin se e kam dëgjuar në vizitën e parë Escobarin dhe Lajçak që kanë thënë integriteti territorial nuk është i negociueshëm, sovraniteti nuk është i negociueshëm, mos të eksperimentojmë askush prej nesh me ide se ndonjë rregullim tjetër na shpëton nga asociacioni”, deklaroi i pari i Aleancës për Ardhmërinë e Kosovës.
Haradinaj përmendi edhe çështjen e Asociacionit ndërsa kërkoi bashkërendim për këtë çështje me të gjithë akterët politik.
“Nëse duam të shpëtojmë nga asociacioni urdhëroni të bisedojmë bashkë, por jo duke rrezikuar tërësinë territoriale”, u shpreh Haradinaj./InLajmi/
