Deputeti i Lëvizjes Vetëvendosje, Mefail Bajqinovci, pas reagimeve të opozitës për uljen e pagave në sistemin e drejtësisë, sikur ka dashur të “arsyetojë” vendimin e qeverisë duke thënë se edhe përkundër pagave të larta gjendja në drejtësi nuk është përmirësuar, përcjell InLajmi.
Derisa ka folur për rregullimin e pagave me ligjin e miratuar në Qeveri, Bajqinovci tha se para pages duhet të ketë vullnet e përkushtim për cilësi në punë.
Sipas tij, vendimi i qeverisë është në funksion të nivelizimit të pagave.
Postimi i plotë i tij:
Pagat e gjykatësve dhe prokurorëve kanë qenë në këtë nivel edhe më parë. Përkundër rritjes së paparashikuar të pagave të tyre, gjendja në sistem nuk është përmirësuar. Problemet patën mbetur të njëjta!
Cilësia e punës, para pagës, duhet të jetë vullnet e dëshirë për përkushtim në të mirë të interesit të përgjithshëm.
Po ashtu, me Ligjin e Pagave që sot u aprovua në Qeveri, pagat e gjyqtarëve dhe prokurorëve do të rriten dhe rregullohen tërësisht.
Ky është vetëm një vendim për nivelizim dhe kështu duhet të konsiderohet!/InLajmi/
