Presidentja e Kosovës, Vjosa Osmani ka mbajtur takim me partitë politike për caktimin e datës së zgjedhjeve të parakohshme për Kuvendin Komunal të Zveçanit dhe Leposaviqit, përcjell InLajmi.
Sipas, Osmanit KQZ-ja është e gatshme të organizojë zgjedhjet në këto komuna dhe institucionet duhet t’i ndërmarrin masa në mënyrë që qytetarët pa dallim ta ushtrojnë të drejtën e tyre për votim.
Sipas njoftimit, presidentja Osmani ka theksuar se brenda afateve ligjore do ta caktojë datën e mbajtjes së këtyre zgjedhjeve për Kuvendin Komunal të Zveçanit dhe Leposaviqit.
Njoftimi i plotë nga Zyra e Presidentes së Kosovës:
Presidentja Osmani mbajti takimin konsultativ me parti politike për zgjedhjet e parakohshme për Kuvendin Komunal të Zveçanit dhe atë të Leposaviqit
Presidentja e Republikës së Kosovës, Vjosa Osmani, duke pasur parasysh afatet ligjore të përcaktuara me legjislacionin në fuqi, si dhe detyrimet ligjore për konsultime me partitë politike, ka mbajtur takim konsultativ lidhur me caktimin e datës së zgjedhjeve të parakohshme për Kuvendin Komunal të Zveçanit dhe atë të Leposaviqit.
Sipas Presidentes Osmani, KQZ-ja është e gatshme për organizimin e zgjedhjeve në këto komuna dhe se institucionet do t’i ndërmarrin masat adekuate në mënyrë që qytetarët pa dallim etnie, ta ushtrojnë të drejtën e tyre kushtetuese të votimit.
Presidentja Osmani do ta caktoj datën e mbajtjes se zgjedhjeve të parakohshme për Kuvendin Komunal të Zveqanit dhe atë të Leposaviqit brenda afateve ligjore./InLajmi/
