Kryetari i LDK-së, Lumir Abdixhiku, ka përkujtuar Xhemail Mustafën në 22-vjetorin e vrasjes së tij.
Abdixhiku, thotë se ishte njëri nga kolosët e lëvizjes poltike të viteve të 90-ta, ndërsa vrasja e tij ishte tronditje jo vetëm për familjen por edhe për bashkëpunëtorët e tij.
Shefi i LDK-së, kujtoi se Mustafa ishte profil shumëdimensional, shkrimtarit, publicistit, këshilltarit politik, bashkëpunëtor i ngushtë të presidentit Rugova.
I par i LDK-së, shprehet se roli dhe kontributi i Xhemail Mustafës në rrugëtimin për liri dhe pavarësi është i pashoq.
Sipas tij eliminimi Xhemajl Mustafës ishte nga dora e zezë që nuk ia deshi të mirën Kosovës.
Postimi i plotë i tij:
Kryetari i LDK-së, Lumir Abdixhiku përkujton veprimtarin e madh, Xhemail Mustafa.
Më 23 nëntor të vitit 2000 u shua mizorisht nga jeta, Xhemail Mustafa, njëri ndër kolosët e lëvizjes politike të viteve 90’ta. Vrasja e tij në hyrje të banesës ishte tronditje e madhe jo vetëm për familjen dhe rrethin e bashkëpunëtorëve, por për mbarë vendin e sapo dalë nga lufta. Vrasja e Xhemail Mustafës ishte goditje e rëndë ndaj vlerave më të larta të kombit dhe të vetë demokracisë për të cilën ai nuk u ndal së punuari gjatë gjithë jetës.
Xhemail Mustafa ishte profil shumëdimensional i shkrimtarit, publicistit, gazetarit e këshilltarit politik, bashkëpunëtorit të ngushtë të presidentit Rugova. Ai ka punuar si redaktor në fushën e kulturës në gazetën “Rilindja”, pastaj zelli i tij prej një doeajeni të gazetarisë e informimi të opinionit publik vazhdoj edhe në QIK Qendrën Informative të Kosovës deri në momentet e vrasjes së tij.
Roli dhe kontributi i Xhemail Mustafës në rrugëtimin për liri dhe pavarësi është i pashoq, eliminimi i tij nga dora e zezë që nuk ia deshi të mirën Kosovës, ishte vetëm eliminim fizik, ngase ideali i tij për shtet-ndërtim nuk u ndal asnjëherë, e vazhdon të jetë insprim për gjeneratat që vijnë.
Sot, edhe pas 22 vitesh, përderisa vrasja e tij mbetet e pazbuluar për familjen, LDK-në dhe gjithë bashkëpunëtorët e tij, dhimbja bëhet edhe më e madhe çdoherë. Edhe sot kur kanë kaluar më shumë së dy dekada nga vrasja e Xhemail Mustafës, ai mbetet figura e njeriut modest, të qetë, fjalëpak që rrezatonte mirësi e maturi. I tillë do të jetë nderimi për jetën dhe veprën e tij.
I përjetshëm kujtimi për Xhemail Mustafën!/InLajmi/
