Deputeti i partisë Guxo, Haxhi Avdyli, ditën e mërkurë ka reaguar pas deklaratës së Skendër Hysenit dhe Dardan Molliqajt duke i quajtur mistrecë apo shpirtshitur, përcjell InLajmi.
Avdyli tha se me deklaratat e tyre ia kanë kaluar edhe radikalëve më të këqinj të Serbisë së tashme, sipas tij të 2 kanë arritur në pikën sa që krerët e shtetit Presidentja Osmani e kryeministri Kurti ti barazojnë me kasapin e Ballkanit.
Ai gjithashtu tha se Kosova po vepron në mënyrë demokratike Europiane me vërejtje e gjoba, duke shtuar se vendi ynë asnjëherë as nuk ka vrarë e as nuk ka kryer masakra.
Postimi i plotë i tij:
2 dekada më parë bashkësia ndërkombëtare, me duar të lidhura e dërgoi Millosheviqin në Hagë.
Kjo erdhi pas 3 luftërave në Shtetet e ish Jugosllavisë, ku u vranë qindra-mijëra, e ikën miliona, duke vazhduar në vitin 1998-99 ku soldateska Serbe, pas aparteidit 10 vjeqar , kreu masakrat makabre ndaj popullatës të pafajshme të Kosovës, duke vrarë edhe 13.000 qytetarë e dëbuar mbi 1 milion.
Ne dëshmitarët e kësaj epoke, dhe ju më të rinjtë që keni dëgjuar apo lexuar për Millosheviqin, brenda 2 jave mbetëm të tmerruar që bijtë e një gjaku si ju, me emrin Dardan e Skender arritën deri në këtë pikë sa që krerët e shtetit si Presidentja Osmani e Kryeministri Kurti ti barazojnë me kasapin e Ballkanit.
Sot këta 2 mistrecë apo shpirtshitur me deklaratat e tyre ia kanë kaluar edhe radikalëve më të këqinj të Serbisë së tashme.
Edhe për çka, pse shteti ynë pas tolerancës 2 dekadëshe, nuk po lejon që Serbia të lëshojë targa për qytetet e Republikës së Kosovës me akronime e stema Serbe.
Dhe masat ndaj këtij akti armiqësor të shtetit Serb të udhëhequr nga ish ministrat e kasapit Millosheviq, Kosova po vepron në mënyrën më demokratike Europiane, me vërejtje e gjoba.
Kë pushtoi Kosova, kë vrau, ku kreu masakra?
Gjatë historisë mijëra vjeqare të këtyre trojeve, që nga Romakët e deri në vitet e 90-ta, ka pasur tradhtarë që janë blerë me dukat, lira, poste e feude por këta 2 me çka u shitën te ai që thuhet që vdiq i vetmuar në qelitë e Hagës?
Shumë pyetje kanë për të mbetur pa përgjigje. Por deklaratat e tyre promillosheviqeane do mbesin./InLajmi/
