Kryetari i LDK-së, Lumir Abdixhiku në 22 vjetorinë e vrasjes së shkrimtarit Xhemajl Mustafa ka bërë homazhe tek varri i tij, përcjell InLajmi.
Abdixhiku me këtë rast ka thënë se vrasja e tij ishte një goditje e rëndë për familjen dhe gjithë Kosovën.
I pari i LDK-së e vlerësoi lartë veprën e Xhemajl Mustafës duke shtuar se kontributi i tij për lirinë dhe pavarësinë e Kosovës janë të përhershme.
Ndryshe, Xhemajl Mustafa ishte këshilltarë i presidentit të ndjerë Ibrahim Rugova, njëkohësisht bashkëpuntor i LDK-së, ai u vra me 23 nëntor 2000, afër hyrjes së banesës të tij në Prishtinë nga 2 sulmues.
Njoftimi i plotë nga Lidhja Demokratike e Kosovës:
Kryetari i Lidhjes Demokratike të Kosovës, Lumir Abdixhiku me familjarë dhe bashkëpunëtorë, sot, në 22 vjetorin e vrasjes së Xhemail Mustafës, bëri homazhe dhe vendosi lule pranë varrit të tij.
Me këtë rast, kryetari Abdixhiku, e vlerësoi lart jetën dhe veprën e Xhemail Mustafës, ndërsa shtoi se gjurmët dhe kontributi i tij për liri, pavarësi e demokraci, janë të përhershme.
“Vrasja e shkrimtarit, publicistit, gazetarit e këshilltarit politik, njëherit bashkëpunëtorit të ngushtë të presidentit Rugova, ishte goditje e rëndë për familjen, LDK-në, Kosovën dhe demokracinë e saj”, theksoi kryetari Abdixhiku.
Kryetari Abdixhiku, tha se Xhemail Mustafa është ikonë e lëvizjes sonë e viteve të 90-ta.
LDK nuk do të ndalet së kërkuari për zbardhjen e rastit të vrasjes së Xhemail Mustafës dhe bashkëpunëtorëve të tij e të Presidentit Rugova./InLajmi/
