Analisti politik, Dardan Sejdiu, ka folur mbi afatin prej 48 orësh që Qeveria e Kosovës e pranoi pas kërkesës së SHBA-ve për shtyrje në lidhje me gjobat.
Sejdiu tha se 48 orë kalojnë shpejt dhe pozicioni me të cilin ballafaqohet pas saj, sipas tij, është “Zajedinca”
“Në momentin që përfundojnë targat, “Zajednica” është në tavolinë dhe është krejt konstrukt tjetër po të ndërtohej kjo narrativë në kuadër të një koordinimi më intensiv me amerikanët”.
“Ka kohë që amerikanët në një fjali i përmendin të 2-jat. Secili ka qenë i vetëdijshëm, kushdo që ka komunikuar me Kurtin që targat janë arsyetim për zhagitje, jo telash serioz, sepse kemi probleme me konsistencën në këtë drejtim. E kanë kuptuar këtë dhe kanë insistuar që këtë moment të mos e lënë të eskalojë më shumë sepse e kanë paramenduar që mund të vije në këtë pozicion.
Tutje, ai tha se Kurti po do që procesi i dialogut të ‘zhagitet’ dhe se sipas tij, në të kaluarën ishte Serbia ajo që ka qëndruar në dialog për të krijuar përshtypjen se vetëm dialogimi mjafton, e tash, siç tha ai, po duket që Kosova po del se është ajo që po e ‘zhagit’ procesin, shkruan Klan Kosova
“Kjo është një prej telasheve që aleatët tanë më të mdhenjë e kanë lexuar. Pra, e kanë lexuar, dhe këtu qëndroj i përmirësuar, e pranoj këtë publikisht, e kanë lexuar se në fakt nuk tentimi të ndërtohen leva në dialog por zhagitja e tij, me brengën që në tavolinë vije një marrëveshje të cilën në një formë apo tjetër, e ka refuzuar për një dekadë dhe fatkeqësisht i kemi ndërruar rolet”, është shprehur Sejdiu.
