Prezantuezja dhe gazetarja e njohur Pranvera Behrami , ditën e martë ka folur rreth temës aktuale tek të rinjtë kosovarë sa i përket problemeve që gjinia femërore mund të hasë, shkruan InLajmi.
Behrami tha se ajo bënë apel tek vajzat e reja për përkrahjen e njëra tjetrës qoftë shoqes apo edhe dikujt që ne mund t’i ndihmojmë.
‘’Feminizem është kur ti e përkrah shoqen, kur je në gjendje me e vendosë në qafë shoqen tënde edhe nuk e ke problem a dukesh ti a po jo ose kur entuziazmi i shoqes tënde shkon përtej egos tënde, apo kur ti bënë çmos që shoqja jote ta gjejë një punë jo domosdoshmërishtë me arrit tek paraja në mënyra si po arrihet sot’’
Ajo gjithashtu tha se tek vajzat e reja është shumë e dhimbshme se çfarë po shfaqet në rrjetet sociale duke jetuar në gënjeshtra, duke mos qëndruar asgjë nga ajo çfarë shohim , të cilat aty mundohen ta gjejnë lumturinë përmes manifestimit të fotografive dhe komenteve që i pranojnë duke e plotësuar egon por që mbrenda janë totalisht të zbrazëta.
‘’Jam shumë pro vajzave që janë të gatshme të punojnë që në fund të muajit nuk ja zgjasin dorën askujt duke i ofruar vetës çfarëdo që ajo dëshiron të ketë’’, u shpreh Behrami.
Behrami shtoi se nuk është e kënaqur as me gjendjen e rinisë sa i përket përdorimit të alkoolit, duhanit etj, pasi që këto dukuri vetëm sa dëmtojnë rininë./InLajmi/
