Kryeministri i Kosovës, Albin Kurti, tha të martën në Shkup se për fat të mirë shteti i Kosovës nuk varet nga gazi rus.
Kështu është shprehur kryeministri Kurti të marten gjatë fjalës së tij në Forumin Socio-Ekologjik 2022 në Shkup në diskutimit me temë “Një transformim i drejtë për Evropë të vetëmjaftueshme me energji”,ku përmendi edhe hapat e Qeverisë së Kosovës për t’i ndihmuar familjet që kursejnë energjinë elektrike.
“Kosova fatmirësisht nuk varet nga gazi rus. Kosova është e angazhuar për t’i përmbushur të gjitha obligimet për energji, për treg të lirë të energjisë”, është shprehur kryeministri Kurti, shkruan tv 21 media.
Kosova nuk varet nga gazi rus, por e gjithë Evropa furnizimin bazë e kanë nga Rusia, ndërsa pas sanksione që shtete e ndryshme i kanë vënë asaj për agresionin ndaj Ukrainës, Evropa do të ketë mungesë të gazit e me këtë edhe ngrohjen.
