Përfaqësuesit e vendeve anëtare të Bashkimit Evropian sot janë pajtuar me propozimin që liberalizimi i vizave për Kosovën të hyjë në fuqi më një janar të vitit 2024. Deputeti i Lëvizjes Vetëvendosje, Enver Dugolli thotë se nuk pritet ndonjë befasi sa i përket liberalizimit të vizave për Kosovën.
I ftuar në emisionin “Këndi i Debatit” në tëvë1, ai tha se edhe pse është një periudhë e gjatë pritjeje, megjithatë “po shihet një dritë në fund të tunelit”.
“Nëse i referohemi edhe proceseve të mëhershme të vendimmarrjes për çështjen e liberalizimit të vizave tash nuk pritet ndonjë pengesë tjetër sepse kjo çështje është adresuar te takimi i ambasadorëve që do të mbahet dhe më pas sipas proceseve kalon në nivele tjera. Por në nivele tjera nuk kemi ngec sa i përket atyre instancave tjera në Komisionin Parlamentar që e ka dhënë rekomandimin disa herë pozitiv për përmbushjen e kritereve dhe nuk presim ndonjë befasi tjetër… Them të drejtën një vit më shumë po i bie nga tash është shumë, por megjithatë po i shihet diku një dritë në fund të tunelit”, tha ai.
Por, Dugolli thekson se tashmë Kosova i ka plotësuar qysh moti kriteret dhe se qytetarët po e shohin me skepticizëm liberalizimin e vizave.
“Thënë të vërtetën çka duhet përshëndetur një punë të madhe që e ka bërë Çekia presidenca dhe këmbëngulësia e tyre puna dinamika e madhe që e ka bë rreth këtij procesi Grupi Punues ka mbajtë disa takime po edhe ishte pritur si të them kjo data 1 janari 2024 për shkak se vërejtjet në moment të fundit që dhanë Spanja nënkuptoi që ajo nuk po dëshiron që gjatë udhëheqjes së Presidencës që i bie në gjysmën e dytë të 2023-ës… Qytetarët e kanë pritë tani presin me doza dyshimi unë mendoj që këtij procesi i ka ardhë fundi”, shtoi ai
